მარტვილის (გაჭედილის) კანიონი

გაჭედილის კანიონის ბუნების ძეგლი, რომელსაც უფრო მარტვილის კანიონის სახელით იცნობენ, მდინარე აბაშამ კირქვაში გამოკვეთა. ის გაჭედილთან, ზღვის დონიდან 240 მეტრზე მდებარეობს. მდინარის წყალი კანიონში მუქი მწვანეა.

ვიზიტორთა ცენტრი სოფელ ინჩხურშია. იქიდან იწყება დაახლოებით 700-მეტრიანი წრიული ბილიკი ორი ხიდით, სამი სანახავი მოედნით და ძველი, კირქვაში ნაკვეთი კიბით. ნავით სეირნობა მდინარის დაახლოებით 300-მეტრიან მონაკვეთს მოიცავს, ჩანჩქერებსა და ჭორომებს შორის.

გადმოცემით, ეს ადგილი დადიანების საბანაო იყო და აქ მხოლოდ დიდგვაროვნებს შეეძლოთ ბანაობა.