ბალდის კანიონი

ბალდის კანიონის ბუნების ძეგლი მეორე ბალდაში, ბალდის ღვთისმშობლის მიძინების მონასტრის მახლობლად მდებარეობს, ზღვის დონიდან 295 მეტრზე. კანიონი მდინარე აბაშამ ასხის მასივის სამხრეთ ნაწილის კირქვებში გამოიმუშავა.

მისი სიგრძე დაახლოებით 1400 მეტრია, სიგანე 5–10 მეტრი, სიღრმე კი 25–30 მეტრი. წყალი აქ განსაკუთრებით გამჭვირვალე და ცისფერია.

კანიონის მოსანახულებლად მოხერხებულია მარტვილის კანიონთან და კაღუს ჩანჩქერთან ერთად: ერთ დღეში სამივეს მოასწრებთ.